منتديات اعز الناس
اهلا بك فى منتديات اعز الناس ,
هذة الرساله تفيد بأنك غير مسجل لدينا , ويسعدنا كثيرا انضمامك الينا Smile

منتديات اعز الناس

منتديات ادبية ثقافية فنية دينية ترفيهية رياضية علمية تكنولوجية شاملة
 
الرئيسيةالرئيسية  البوابةالبوابة  س .و .جس .و .ج  بحـثبحـث  الأعضاءالأعضاء  التسجيلالتسجيل  دخولدخول  

شاطر | 
 

 كأنك مفيش - للشاعر أحمد فؤاد نجم

اذهب الى الأسفل 
كاتب الموضوعرسالة
monii
عضو ماسى
عضو ماسى
avatar

عدد المساهمات : 685
عدد النقاط : 3941
تاريخ التسجيل : 14/05/2010
العمر : 29
المكان : السويس

مُساهمةموضوع: كأنك مفيش - للشاعر أحمد فؤاد نجم   الخميس 14 أكتوبر - 6:18




أخر إصدارات الشاعر المصرى أحمد فؤاد نجم شاعر العامية المصرية القصيدة بإسم "كأنك مفيش "

والقصيدة موجهة للرئيس مبارك




برغم إن صورك فـ كل الدواير


وكل المداخل وكل المحاور


ومليا الشوارع على كل حيط ..


مطنش علينا وعامل عبيط ..


كأنك مفيش ..


***


يا فرحة قلوبنا رئيسنا ظريف ..


فُكهي ..


إبن نكته ودمه خفيف


فـ عهدك سيادتك فَرَشنا الرصيف


وآخر مُنانا الغُموس والرغيف


وكل أمَّا تُخنُق ندوَّر ..


مفيش !!


***


مسيِّب علينا عصابة حبايبك


فضايح وسرقة ونهب بسبايبك


مابين حزب نجلك .. وهانم جلالتك


وجيش الغوازي إللَّي داير يجاملك


وناملك وقاملك .. وحارسك وأمنك


شبعنا مهانه .. شبعنا لطيش ..!


وأنت .. مفيش !!


***


باعونا فـ حضورك ..


ببركة عِبـيدك وغالي وسرورك


باعوا الأراضي .. وكل المصانع


وباعوا البنوك ..


وقدَّام عِنيك .. صوتنا إتـنبح ..


ننادي عليك ..


إلحق يا ريس : ده باعوا الحديد !!


وأنت منشِّف دماغك عنيد !!


.. كأنك مفيش !!


***


دوشتوا دماغنا ” بجمال ” طلعتك


ومن يومها وإحنا عَبـيد حضرتك


ما تزعلش إني مواطن أبيح


ورافض كلابك فـ شعبك تطيح


فسادهم يا ريِّس واضح .. صريح


قوم بينا صلّح وفتَّش .. وثور


ح نكتب تاريخك ياريِّس بنور


مش تبقى عايش كأنـَّك مفيش !!


***


ورحمة أبوك .. مادام أنت قاعد


عيب لمَّا عُصبة نَـوََر يسحبُوك


م تُقبض عليهم .. م تقطع إيديهم ..


م تعمل عليهم يا ريِّس شاويش


بدل م انت ساكت وقاعد مفيش


***


ياريس علىّ الطلاق تعبانين !!


ياريس علىّ الحرام كفرانين !!


صبرنا سنين ..


سيادتك مسلطن


وشعبك وناسك بتاكل مسرطن


وتشرب مجاري وميت سم هاري ..


ومش دريانين !!


ما تنهض يا ريس تلم الديابه ؟!!


ده شعبك غلابه ..


ومليان طيابه ..


وهوَّ الشفاعة ف يوم الحساب


وهما البطانة الحُثاله الكلاب


ما يملاش عنيهم غير التراب


وليهم ضوافر


وميت ألف ناب


وواقفين لشعبك ورا كل باب


لإمتى ح تسكت وليه الغياب ؟


ده ياما ممالك طواها التراب


حياتنا ياريس تعب فوق عذاب


يا ريس ” شريفك ” ماهوَّاش شريف !!


” نظيفك ” يا ريس ماهوَّاش نظيف !!


وحتى ” حبيبك ” ماهواش حبـيب !!


وأنا غصب عني .. خلاص إستويت ..


بـ غـُلبي إنحنيت ..


وطلعان عنيا .. وصعبان عليا


بحسبة بسيطة ومن غير خريطه ..


وكونك مفيش .. لقيت متساويش


ومش فارقه أعيش ..


نويت أشتكيك للِّي فوقي وفوقك


وأصلي الفرايض ..عسى يفـُك طُوقـك


قالولي إللي يسجد عدو النظام !!


حاولت أحكي حالي ..!!


قالولي الحكاوي نميمة وحرام !!


فكرت أكتب ..


لقيتكم سيادتك منعتوا الكلام !!


فقررت أحلم ..


هاحلم سيادتك وأفُك اللِّجام


ولو مش هيعجب سيادتك يا فندم


وصِّي العساكر .. تاخُدني أمَّا انام !!


***


حلمت إني شعب ..!


حلمت إني شعب ومصلوب بطولي


على أرض سمرا


ودمي بينـزف ومليان جروح


وفوق صدري جمرة


يميني مربّط على أرض طابا


شمالي ممسمر فـ “أولاد علي”


ورجلي على جزع نخلة فـ “حلايب”


ومرتاح براسي على حِجْر مصر


وشوفتك ياريس ..كأنك ولي ..


كأنك نبي ..


فـ إيدك عصاية وليك معجزات


وشايل صليبي وبتفـُكني ..


وانا فـ جنَّه خضره .. وتحتي جداول ..


ومن فوقي نور .. وريحة بخور ..


همست ف ودانك بآخر وصيّة :


إنسى إللي فاتك ..


هننسى الأسية .. !!


أمانه عليك ..


حُط الوطن جُوَّه نِنِّي عينيك


كرامة عيالنا أمانة ف إيديك


بحق إللي بينّا يا ريِّس وبـينك


وحَق اليَمِين و” ألكتاب ” فى يمينك


بحق الشهيد .. إللي رافع جبينك


وجيش إنتصارك فى يوم العبور


وجيل حُر طالع .. وعدته بدور


لملم عيالك .. وجمَّع فـ مالك

واسحب" جمال " وسيبنا وغور



______________________التوقيع______________________




[ندعوك للتسجيل في المنتدى أو التعريف بنفسك لمعاينة هذا الرابط]
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
selvstir
عضو فضى
عضو فضى
avatar

عدد المساهمات : 342
عدد النقاط : 3390
تاريخ التسجيل : 17/05/2010
العمر : 32
المكان : صايع فى وقت ضايع http://www.selvstir.4mtm.net/

مُساهمةموضوع: رد: كأنك مفيش - للشاعر أحمد فؤاد نجم   الجمعة 15 أكتوبر - 11:01

زى ما عودنا احمد فؤاد نجم كا عدته

جرئ ..صريح ..مباشر ..قوى الارداه ..دمه حامى على بلده وشعبه وعرضه
احمد فؤد نجم انت مواطن مصرى من شعب مصرى وهذه المواطن الحر

لو شاف عكس كده كان قال احلى من كده

لاكن مش لاقى الجمال علشان يحكى عنه

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.selvstir.4mtm.net
 
كأنك مفيش - للشاعر أحمد فؤاد نجم
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات اعز الناس :: القسم الادبى :: منتدى الاشعار والخواطر-
انتقل الى: